СДСМ најави пакети со бенефиции за домашните компании кои ќе решат да влезат во нови инвестиции прекинувајќи ја со тоа практиката на ВМРО-ДПМНЕ да ги привилегира странските компании. Заврши времето во кое претходната власт предводена од ВМРО-ДПМНЕ ги потценуваше домашните фирми и ги ставаше во подредена положба на странските инвеститори. Со изгласаниот ребаланс на буџетот се става крај на оваа неправда, што значи дека домашните инвеститори ќе ги добијат истите услови и поволности за инвестирање што важеа и за странските инвеститори. Секој инвеститор кој планира нова инвестиција во земјата, без разлика дали е домашен или странски, ќе добие од државата поволности и олеснувања во вид на ослободување од плаќање даноци, помош при изградба на инфраструктура, директна финансиска помош за нови работни места, поедноставени административни процедури, државна помош за користење суровини и материјали од домашно потекло.
СДСМ најави пакети со бенефиции за домашните компании кои ќе решат да влезат во нови инвестиции прекинувајќи ја со тоа практиката на ВМРО-ДПМНЕ да ги привилегира странските компании.
„Заврши времето во кое претходната власт предводена од ВМРО-ДПМНЕ ги потценуваше домашните фирми и ги ставаше во подредена положба на странските инвеститори. Со изгласаниот ребаланс на буџетот се става крај на оваа неправда, што значи дека домашните инвеститори ќе ги добијат истите услови и поволности за инвестирање што важеа и за странските инвеститори.
Секој инвеститор кој планира нова инвестиција во земјата, без разлика дали е домашен или странски, ќе добие од државата поволности и олеснувања во вид на ослободување од плаќање даноци, помош при изградба на инфраструктура, директна финансиска помош за нови работни места, поедноставени административни процедури, државна помош за користење суровини и материјали од домашно потекло.
За таа цел инвеститорите ќе имаат можност да се одлучат помеѓу неколку пакети или т.н. менија, кои ќе нудат поволности во зависност од видот и големината на инвестицијата.
Со ребалансот на буџетот издвоени се 135 милиони денари до крајот на годината за поддршка на малите и средните претпријатија и домашните гринфилд-инвестиции.
За разлика од свесното и смислено уништување на домашното стопанство од претходната власт на ВМРО-ДПМНЕ заради нечии бизнис-интереси, Владата предводена од СДСМ работи како сервис и партнер на домашните фирми!, стои во соопштението од владејачката партија.