pretraga

kursna lista

RS

BA

HR

MK

EUR 117.9511
USD 105.4736
CHF 105.0415
GBP 133.5346
CAD 78.2844
HRK 15.8735
BAM 60.3074
EUR 1.955830
CAD 1.349428
HRK 26.179579
CHF 1.775370
GBP 2.573629
USD 1.757863
RSD 1.592767
CAD 5.051136
CZK 0.281834
CHF 6.985052
GBP 9.636229
USD 6.918497
EUR 7.624184
PLN 1.743468
EUR 61.505
USD 46.5066
GBP 72.8128
CHF 46.4119
CAD 45.4818
16.05.2019.Makfax Macedonia

Граѓаните и фирмите ќе можат онлајн да ги следат предметите за приватизација

Граѓаните и фирмите ќе можат онлајн да ги следат предметите за приватизацијаГраѓаните и фирмите од денеска на порталот privatizacija.finance.gov.mk ќе можат да се информираат до каде е нивниот предмет за приватизација во Управата за имотно-правни работи (УИПР).

„Нема веќе предмети во фиока. Направивме системско решение, платформа privatizacija.finance.gov.mk преку која граѓаните и фирмите ќе можат од својот дом или канцеларии, преку компјутер да ja следат постапката за приватизација во Управата за имотно-правни работи. Ова значи дека граѓаните и фирмите ќе имаат постојано увид во која фаза е нивниот предмет – од прием на барањето за приватизација, преку обработка на предметот и решавање на истиот – до архивирање“, рече министерот за финансии, Драган Тевдовски.

Тој посочи дека придобивките од ваквиот пристап се дека граѓаните и фирмите добиваат нова и подобра услуга од управата, ќе се подобри ефикасноста на управата и ќе се изврши дигитализација на процесите.

„Постапката за користење е многу едноставна. Сè што ви треба од податоци се архивскиот број на предметот, кога е поднесен, катастарската парцела и општина каде е поднесен. Доколку не ја знаете катастарската парцела или општината, доволно е само да го внесете својот матичен број или даночен број во случај на правно лице. Софтверот потоа на вашата е-пошта доставува податоци до каде е вашиот предмет“, рече Тевдовски и посочи дека засега на платформата се внесени предметите од 2018 и 2019 година, додека во рок од една година ќе се внесат и сите предмети.

Директорката на УИПР, Шасине Касами, рече дека платформата privatizacija.finance.gov.mk е само еден од чекорите кои управата ги презема за ефикасна, модерна и ориентирана кон граѓаните и фирмите Управа за имотно-правни работи.

„Порталот за проверка на статус на предмети за приватизација е направен во рамки МИС-системот, изработен во 2013 година со поддршка на проект од Светска банка. Иако и тогаш постоела опција да се направи ваква платформа, таа можност не била искористена. Ние ја искористивме оваа можност за да им понудиме подобра услуга на граѓаните. Наша цел е да бидеме ефикасна управа, која ќе им служи на граѓаните и фирмите и ќе понуди квалитетна услуга“, рече Касами.

Таа посочи дека се работи на решавање на поднесените предмети за приватизација и дека од 310.000 поднесени, останати се околу 90.000 предмети за решавање.

Ocena
Vaša ocena
Bookmark and Share