Според најновите податоци на Државниот завод за статистика, просечната плата во септември годинава бележи раст од 4,4 отсто и изнесува 25.435 денари, што е за 1.080 денари повисока во однос на истиот месец 2018 година, информираат од владејачкиот Социјалдемократски сојуз на Македонија. Зголемувањето на платите се должи на политиката на СДСМ за подобрување на животниот стандард на граѓаните и покачувањето на платите во јавната администрација, а пред сè во образованието, здравството и социјалната заштита. Трендот на значително зголемување на платите ќе продолжи и наредните месеци со усвојувањето на законот за субвенционирање на придонесите на плати за работодавачите, кои ќе им ги покачат платите на своите вработени од 100 евра, предложен од СДСМ, но и со рекордниот раст на минималната плата за 5.500 денари на 14.500 денари.
Според најновите податоци на Државниот завод за статистика, просечната плата во септември годинава бележи раст од 4,4 отсто и изнесува 25.435 денари, што е за 1.080 денари повисока во однос на истиот месец 2018 година, информираат од владејачкиот Социјалдемократски сојуз на Македонија.
„Зголемувањето на платите се должи на политиката на СДСМ за подобрување на животниот стандард на граѓаните и покачувањето на платите во јавната администрација, а пред сè во образованието, здравството и социјалната заштита. Трендот на значително зголемување на платите ќе продолжи и наредните месеци со усвојувањето на законот за субвенционирање на придонесите на плати за работодавачите, кои ќе им ги покачат платите на своите вработени од 100 евра, предложен од СДСМ, но и со рекордниот раст на минималната плата за 5.500 денари на 14.500 денари“, велат од СДСМ.
Од владејачката партија додаваат дека одговорните и домаќински политики на СДСМ се поттик за економскиот раст и за растот на платите, а тоа го потврдил и Меѓународниот монетарен фонд , кој го нагласил фактот дека покрај зголемувањето на платите, невработеноста достигнала историско најниско ниво од 17,5 проценти.