Почнаа градежните работи на третата делница од патот Велес – Кадрифаково. Според проектот, ќе се исправат постоечките две стари коловозни ленти, а ќе се доизградат и две нови на делницата од Лозово преку Сарамзалино до Кадрифаково, со што ширината на патот од сегашните 6,6 метри, ќе достигне 11 метри. Само во изградбата на овие 11 километри ќе се вложат 7,5 милиони евра. Таа е многу значајна за развојот на источна Македонија. Паралелно со овој се гради и патот од Скопје до Штип, рече министерот за транспорт и врски, Миле Јанакиески. Делот од патот до велешката Депонија е целосно завршен, а завршуваат и земјените работи до Лозово. Целосно работите би требало да завршат во 2015 година.
Почнаа градежните работи на третата делница од патот Велес – Кадрифаково.
Според проектот, ќе се исправат постоечките две стари коловозни ленти, а ќе се доизградат и две нови на делницата од Лозово преку Сарамзалино до Кадрифаково, со што ширината на патот од сегашните 6,6 метри, ќе достигне 11 метри.
„Само во изградбата на овие 11 километри ќе се вложат 7,5 милиони евра. Таа е многу значајна за развојот на источна Македонија. Паралелно со овој се гради и патот од Скопје до Штип“, рече министерот за транспорт и врски, Миле Јанакиески.
Делот од патот до велешката Депонија е целосно завршен, а завршуваат и земјените работи до Лозово. Целосно работите би требало да завршат во 2015 година.
„Целосната изградба на оваа брза магистрала во државата се очекува на крајот од 2015 година. За неа се обезбедени 15 милиони евра, преку заем од Европската банка за обнова и развој. И не е единствен проект со кој се подобрува патната мрежа во државата“, рече директорот на Јавното претпријатие за државни патишта Љупчо Георгиевски.
Тој додаде дека во моментов во државата се градат 55 километри патишта во вкупна инвестиција од 30 милиони евра.