Најголемата фармацевтска компанија во земјава „Алкалоид АД“ Скопје соопшти дека остварила позитивни финансиски резултати во првото полугодие од 2015 година. Ова го покажуваат неревидираниот единечен и неревидираниот консолидиран Биланс на успех. Во периодот јануари - јуни, вкупните консолидирани продажби достигнуваат 4.050 милиони денари, што е за 9 отсто повеќе во споредба со истиот период лани. Вкупниот консолидиран извоз на компанијата, пак, е зголемен за 15 отсто. Зголемување од 9 отсто е забележано и кај вкупната добивка пред финансиски трошоци, даноци и амортизација (ЕБИТДА), која во првото шестмесечје годинава достигнува 554 милиони денари, додека нето консолидираната добивка од 301 милион денари е зголемена за 5 отсто, покажува консолидираниот биланс на успех.
Најголемата фармацевтска компанија во земјава „Алкалоид АД“ Скопје соопшти дека остварила позитивни финансиски резултати во првото полугодие од 2015 година. Ова го покажуваат неревидираниот единечен и неревидираниот консолидиран Биланс на успех.
„Во периодот јануари - јуни, вкупните консолидирани продажби достигнуваат 4.050 милиони денари, што е за 9 отсто повеќе во споредба со истиот период лани. Вкупниот консолидиран извоз на компанијата, пак, е зголемен за 15 отсто. Зголемување од 9 отсто е забележано и кај вкупната добивка пред финансиски трошоци, даноци и амортизација (ЕБИТДА), која во првото шестмесечје годинава достигнува 554 милиони денари, додека нето консолидираната добивка од 301 милион денари е зголемена за 5 отсто“, покажува консолидираниот биланс на успех.
Според единечниот биланс на успех, пак, во периодот јануари - јуни, продажбите достигнуваат 3.068 милиони денари, што е за 3 отсто повеќе во споредба со истиот период лани.
Добивката пред финансиски трошоци, даноци и амортизација (ЕБИТДА), која изнесува 537 милиони денари, бележи зголемување од околу 7 отсто, додека нето добивката е зголемена за 3 отсто.
Вкупните инвестиции во основни средства во периодот јануари - јуни 2015 година изнесуваат 422.120 илјади денари. Во првата половина од година во „Алкалоид“ се реализирани 56 нови вработувања.