Оризопроизводителите ќе добијат финансиска помош за предаден килограм арпа во преработувачки капацитет. Владата одлучи земјоделците кои имаат пријавено земјоделско земјиште до два хектари да добијат по пет денари за предаден килограм оризова арпа кај откупувачите. Земјоделците кои поседуваат од два до 10 хектари ќе добијат по четири денари за килограм предадена арпа, додека земјоделците кои поседуваат над 10 хектари земјоделско земјиште на кое одгледуваат ориз ќе добијат по три денари за килограм предадена оризова арпа кај откупувачите. За Драгољуб Гаврилов, оризопроизводител од село Чешиново, дополнителната субвенција е очекувана и ќе придонесе да се намалат резервите од ориз.
Оризопроизводителите ќе добијат финансиска помош за предаден килограм арпа во преработувачки капацитет. Владата одлучи земјоделците кои имаат пријавено земјоделско земјиште до два хектари да добијат по пет денари за предаден килограм оризова арпа кај откупувачите.
Земјоделците кои поседуваат од два до 10 хектари ќе добијат по четири денари за килограм предадена арпа, додека земјоделците кои поседуваат над 10 хектари земјоделско земјиште на кое одгледуваат ориз ќе добијат по три денари за килограм предадена оризова арпа кај откупувачите.
За Драгољуб Гаврилов, оризопроизводител од село Чешиново, дополнителната субвенција е очекувана и ќе придонесе да се намалат резервите од ориз.
Оваа мерка, според заменик-министерот за земјоделство Ванчо Костадиновски, ќе важи од 1 до 31 јули, а земјоделците потврдите за откупена арпа ќе можат да ги пријават во подрачните единици на Министерството најдоцна до 31 август за да добијат субвенција.
Костадиновски информира дека од реколтата 2015 се откупени 12.000 тони ориз од кои 3.500 тони се' уште се во магацините на откупувачите. Во амбарите на оризопроизводителите се наоѓаат од 8.000 до 10.000 тони ориз кој чека откуп