Poslovne vesti - Makedonija

Британци го купиле "Сити мол"?

Британската компанија „Хајстед лимитед“ ја купува македонската компанија „Балфин МК“ во чија сопственост е трговскиот центар „Сити мол“, објави вчера „еМагазин“ повикувајќи се на свои извори.

Според порталот, британската компанија која се занимава со инвестирање во недвижности ќе го преземе трговскиот центар по пат на стекнување удел во „Балфин МК“, која стои зад изградбата на „Скопје сити мол“.

Инаку, „Балфин МК“ е компанија која е основана од најголемата групација за малопродажба на текстилни производи во Македонија „Фешн груп“ и водечкото регионално друштво за малопродажба и градежништво со седиште во Албанија – групацијата „Балфин“, која пак е доминантен сопственик на друштвото за трговија на мало со електрични апарати „Еуро медија“.