pretraga

kursna lista

RS

BA

HR

MK

EUR 119.3925
USD 101.103
CHF 104.8959
GBP 130.2274
CAD 80.5183
HRK 16.1097
BAM 61.0444
EUR 1.955830
CAD 1.349428
HRK 26.179579
CHF 1.775370
GBP 2.573629
USD 1.757863
RSD 1.592767
CAD 5.051136
CZK 0.281834
CHF 6.985052
GBP 9.636229
USD 6.918497
EUR 7.624184
PLN 1.743468
EUR 61.505
USD 46.5066
GBP 72.8128
CHF 46.4119
CAD 45.4818
20.03.2017.Utrinski Vesnik

„Стандард и Пурс“ го потврди кредитниот рејтинг ББ минус на Македонија

„СТАНДАРД И ПУРС“ ГО ПОТВРДИ КРЕДИТНИОТ РЕЈТИНГ ББ МИНУС НА МАКЕДОНИЈАКредитната агенција „Стандард и Пурс“ го потврди кредитниот рејтинг на Македонија, ББ минус со стабилен изглед. Од агенцијата оценуваат дека во македонската економија има позитивни трендови и покрај политичката криза како најголема закана за неа. Иако е пораснат државниот долг, кој може да се квалификува како низок во споредба со земјите со ист кредитен рејтинг, сепак „Стандард и Пурс“ наведува дека нивните проекции се позитивни.

Кредитните стручњаци очекуваат невработеноста да продолжи да се намалува, и во 2020 година да достигне 21,5 отсто. Нивните прогнози се дека инвестициите и извозот ќе продолжат да растат и на среден рок, а слободните економските зони, како што пишува во извештајот, ќе бидат генератор на економскиот раст, особено преку синергијата од соработката со локалните компании и доставувачи. Буџетскиот дефицит од 2,8 отсто во 2016 година, посочуваат од „Стандард и Пурс“, е низок, а земјата спроведува фискална консолидација за да го сведе на 2,2 проценти до 2019 година.

Од кредитната агенција наведуваат дека како и во октомврискиот извештај, рејтингот го базираат на добрите економски перформанси на македонската економија, но и на политичката криза, која кулминира.
За банкарскиот сектор од Агенцијата наведуваат дека е добро капитализиран и профитабилен и, главно, е финансиран од домашни депозити.

Како најголема закана за македонската економија и „Стандард и Пурс“ ја гледа политичката криза. Во извештајот се наведува дека политичката ситуација станала уште покомплицирана по спроведувањето на изборите во декември 2016. Нивната оценка е дека и да се формира влада, таа нема да биде стабилна и нема да може да биде носител на реформски процеси и кризата нема да се разреши.

Како „Стандард и Пурс“, во февруари годинава и кредитната агенција „Фич“ го потврди кредитниот рејтинг на Македонија, наведувајќи дека согласно економските перформанси, земјата заслужува повисок рејтинг од сегашниот, но поради политичката криза не можат да дадат повисок рејтинг. 

За СДСМ, оценката на „Стандард и Пурс“, со која се потврдил негативниот кредитен рејтинг на Македонија, само покажува дека во изминатиот период се спроведени лоши економски политики во државата.

„Изминативе 10 години поради неконтролираното и прекумерно задолжување на граѓаните и поради нетранспарентното раководење на јавните финансии, оваа кредитна агенција двапати го намали кредитниот рејтинг на земјата, првиот пат во 2009 на ББ и втор пат во 2013 на ББ-“, се вели во соопштението на СДСМ. Од партијата, порачуваат дека продлабочувањето на политичката криза штетно влијае на економијата и затоа е потребно да се деблокираат демократските процеси за избор на нова влада.

Потврдувањето на кредитниот рејтинг ББ- со стабилен изглед, пак, според ВМРО-ДПМНЕ, е потврда дека благодарение на добрите економски политики, реформи и проекти на Владата предводена од ВМРО-ДПМНЕ, економијата, и покрај наметната политичка криза од Социјалдемократскиот сојуз, бележи позитивни трендови. 

Ocena
Vaša ocena
Bookmark and Share