Poslovne vesti - Makedonija

Турски ИКТ компании заинтересирани за инвестирање во Македонија

Турски ИКТ компании и производители на мебел се заинтересирани за производство во Македонија кое би се извезувало во ЕУ. Интересот следи по учеството на саемот во градот Коџаели, што се одржа на 2 и 3 ноемвир, во организација на Стопанската комора на Македонија Турција (МАТТО).

Во Скопје, пак, денеска доаѓа делегација од Кајсери, Турција, која ќе ги скенира бизнис климата и можностите за инвестиции и деловна соработка. Делегацијата ја предводи валијата Сулејман Камчи, а во неа, освен претставници на градот, се и бизнисмени од областа на туризмот кои ја промовираат Кападокиа и развиваат зимски туризам.

Во градот се развиени и земјоделството, производството на мебел, дрвната и прехранбената индустрија (Улкер е најпознат бренд), градежништвото, транспортот, туризмот (Кападокија, зимски туризам), а економијата се базира главно на странски инвестиции и глобални пазари.

Извозот на мебел од Кајсери надминува една милијарда американски долари годишно. Овој град со 1,2 милиона жители има 3.500 фабрики кои вработуваат 40.000 работници.