Зоран Заев и Нина Ангеловска вчера наместо првичните планираните 9.2 милиони евра, ја задолжија државата за 24 милиони евра, обвини пратеничката од ВМРО-ДПМНЕ Лилјана Кузмановска.
Таа вели дека не се знае на што и како ќе бидат потрошени парите, како што не се знае ни, како што рече, каде се потрошени над половина милијарда евра за коколку што е зголемен јавниот долг откако Зоран Заев е на власт.
„И додека државата засилено се задолжува, а Заев и Нина велат дека блескаме, Стево Пендаровски сака да се исели од државата. Сакаат да се иселат и илјадници млади, кои поради лошите политики бегаат од државата. Македонија е земја во која младинската невработеност е над 50% и со тоа највисока во Европа. Власта да ги насочеше барем половина од парите за кои ја задолжи државата во изминативе години за младите, сликата за Македонија ќе беше поинаква“, рече Кузмановска.