Poslovne vesti - Makedonija

Отворена фабриката „Кранфилд Фаундри“ во Пробиштип

Премиерот, Зоран Заев, рече дека сопственикот има намера да се вложат дополнителни 15 милиони евра за експанзија на компанијата во нови капацитети и производи.

„Тоа ќе го зголеми бројот на нови работни места во фабриката, и претставува огромен придонес за општината и регионот. Од сегашните 58 вработени, вкупниот број планирани вработувања кога целиот инвестициски проект ќе заврши ќе изнесува 300. Тоа е сериозна шанса за граѓаните, за младите од општината, кои со овие перспективи на „Кранфилд Фаундри“ добиваат реални можности да се школуваат, да се остручуваат и да се вработат дома, во своите родни места. Уште една голема причина за тоа е и просечната плата во „Кранфилд Фаундри“ која денеска е повисока од просечната плата на државно ниво со потенцијал за уште поголем раст“, нагласи Заев.

„Кранфилд Фаундри“ е компанија за производство и обработка на одлеаноци од сиво и нодуларно железо која употребува исклучително само електрична енергија. Во процесот на работа, рече Заев, строго е забрането употреба на суровини кои содржат штетни материи, за да може да се испорача производ кој ги задоволува сите стандарди за квалитет, безбедност и заштита на животната средина.

Вицепремиерот за економски прашања, Кочо Анѓушев, рече дека иако договорот со „Кранфилд Фаундри“ е потпишан во 2015 година, се до 2018 година бил заглавен во административните лавиринти, кога бил склучен нов анекс договор во согласност со Законот за финансиска поддршка на инвестициите.