Poslovne vesti - Makedonija

АД ЕЛЕМ продаде нови вишоци електрична енергија

АД ЕЛЕМ во текот на вчерашниот ден продаде вишоци електрична енергија во количина од 24.480MWh за сума од 1.235.808 евра, соопшти компанијата.

„Продадените вишоци се ‘базна’ и ‘,врвна’ електрична енергија за јуни 2018 година. Продажбата е извршена по просечна цена од 50.48 EUR/MWh. За споредба, на HUPX (унгарската берза на електрична енергија), цената за базна енергија изнесува 44,94 EUR/MWh, додека за врвна изнесува 54,27 EUR/MWh“, се наведува во соопштение на ЕЛЕМ.

Нова продажба на вишоци електрична енергија произведени од АД ЕЛЕМ е закажана за 5 јуни. На продажба ќе бидат понудени 57.360 MWh за јули, август и септември 2018 г.