Poslovne vesti - Makedonija

Ќе се гради автопатот Гостивар - Кичево

Гостивар - Неколкудецениската иницијатива за изградба на автопатско решение на патниот правец Гостивар - Кичево, конечно, ќе се реализира. Идната година ќе започне изградбата на автопатот во должина од 45 километри.

Ова денеска на прес-конференција го соопшти градоначалникот на Гостивар, Невзат Бејта. Тој рече дека за тоа го информирал министерот за финансии, Зоран Ставрески, кој рекол дека Европската банка за развој ~ одобрила на Македонија поволен кредит од 400 милиони евра.

На прес-конференцијата присуствуваше и кинеска делегација предводена од амбасадорот на Кина во Македонија, Вен Џеншун. Тој истакна дека кинеската компанија „Синохидро“, која го гради автопатот Кичево - Охрид е заинтересирана да ја гради и оваа делница.

Понудата на кинескиот амбасадор, Гостивар да се збратими со град од Кина беше прифатена со задоволство.