Poslovne vesti - Makedonija

ЕУ крати уште 69 милиони евра од ИПА за Македонија

Европската унија донесе одлука за кратење на дополнителни 69 милиони евра, средства од ИПА. Како што објави телевизијата Алсат М, оваа мерка има директни последици за Коридорот 8.

Исто така со оваа мерка, ЕУ планира да и ги одземе надлежностите на Владата за менаџирање на ИПА фондовите, кои досега беа децентрализирани.

Тоа значи дека ЕУ директно ќе одлучува на кои проекти ќе бидат потрошени европските пари.

Минатата недела, ЕУ скрати 27 милиони евта од ИПА2 фондовите наменети за развој на демократија и управување, за судски реформи и основните права, за екологија, транспорт, општествен развој, земјоделство и регионална соработка.