Poslovne vesti - Makedonija

Фински компании заинтересирани за соработка со македонски компании

Министерот за економија, Крешник Бектеши, се сретна со нерезидентниот амбасадор на Финска, Питер Иконен, со кого разговараше за соработката и добрите односи меѓу двете земји, како и мерките што треба да се преземат во наредниот период со цел да се интензивира соработката во сите области од заемен интерес, соопшти Министерството за економија.

„Амбасадорот Иконен во оваа пригода го информира министерот Бектеши за интересот на многу фински компании да соработуваат со компании од Македонија, со посебен акцент на минералните ресурси, каде што околу 50 луѓе се индиректно ангажирани благодарение на професионалната и висока технологија што ја имаат. Министерот Бекеши беше информиран и за најавениот економски форум, кој ќе се одржи на 4 октомври под покровителство на Амбасадата на Финска и Стопанската комора на Македонија“, се вели во соопштението.