Poslovne vesti - Makedonija

Горивата поскапуваат од 3 до 3,5 денари

Бензините и дизелот поскапуваат од три до 3,5 денари за литар, одлучи Регулаторната комисија за енергетика.

Новата малопродажна цена на ЕУРОСУПЕР БС-95, која е за 3,5 денари повисока, изнесува 74,50 денари, а на ЕУРОСУПЕР БС-98, кој поскапува за три денари, новата цена е 76 денари. Зголемувањето на цената на ЕУРОДИЗЕЛ (Д-Е В), исто така, е три денари и се продава по 66 денари за литар, а лесното екстра-масло за домаќинство по 57 денари за литар. Се зголемува и малопродажната цена на мазутот М-1 НС за 2,018 денари за килограм и ќе изнесува 42,421 денар.

Од Регулаторната комисија информираат дека просечната цена на суровата нафта на светскиот пазар во изминатиот 14-дневен период изнесувала 16,399 долари за барел и е за 6,33 отсто повисока од просечната цена на сурова нафта по која беа формирани тековните цени на нафтените деривати. Курсот на денарот во однос на доларот во изминатиот 14-дневен период изнесувал 43,1754 денари за долар и е за 0,31 отсто повисок од курсот на доларот според кој беа формирани цените.