Poslovne vesti - Makedonija

„Илирика инвестментс“ со нови услуги во работењето

Комисијата за хартии од вредност даде согласност брокерската куќа „Илирика инвестментс“ да врши прием на пренос на налози за купување и продавање хартии од вредност на странски пазари на хартии од вредност.

Тоа, како што соопшти КХВ, значи дека со оваа нова услуга, „Илирика инвестментс“ ќе може да се приклучи на регионалната платформа за тргување со хартии од вредност котирани на Бугарската, Загрепската и на Македонската берза.

„Илирика инвестментс“ според Законот за хартии од вредност, во секое време мора да поседува и да одржува основна главнина во износ од 75.000 евра во денарска противвредност.

Инаку, брокерската куќа „Илирика инвестментс“ е втора од десетте членки на Македонската берза која ги исполни условите за да се приклучи на платформата што се очекува да профункционира на 29 март.

Претходно, ваква дозвола од КХВ доби Дирекцијата за услуги со хартии од вредност при Еуростандард банка АД - Скопје.