Poslovne vesti - Makedonija

Македонија годинава ќе потроши за 2,3 отсто повеќе енергија

Македонија се очекува годинава да потроши 2,3 отсто повеќе енергија, а потрошувачката на електрична енергија ќе зависи од работата на индустриските капацитети кои учествуваат со 20 отсто во вкупната потрошувачка.

И годинава најголем потрошувач на енергија ќе биде сообраќајот, а во вкупната потрошувачка најголем удел од 50 отсто ќе имаат нафтените деривати. Струјата ќе учествува со 27 проценти, а јагленот со 6 отсто. Ова се предвидува во предлог-енергетскиот биланс за 2017 година, кој ја содржи целокупната потрошувачка на сите енергенти во државата за една година. За периодот 2013 – 2017 година предвидува пораст на потрошувачката на сите енергенти со просечна стапка од 3,3 проценти на годишно ниво.

Експертите очекуваат дека потрошувачката на електрична енергија кај домаќинствата ќе остане непроменета, а според нив, до нејзино намалување може да се дојде дури по целосната гасификација на земјава.

Во билансот е предвидено и годинава да расте учеството на обновливите извори на енергија, но, според аналитичарите, хидроелектраните и ветерниот парк не можат да го ублажат недостигот на струја, бидејќи тие зависат од временските услови. Потрошувачката, пак, на струјата ќе зависи од работата на „Макстил“, „Фени“ и „Југохром“. Се предвидува и дека ќе има неповолна хидролошка состојба и да расте побарувачката на гас.