Poslovne vesti - Makedonija

Македонско-бугарска соработка во планинскиот и руралниот туризам

Со 96 илјади евра обезбедени преку ИПА-програмата за прекугранична соработка со апликацијата во заеднички проект на Организацијата на жени од Штип и Трговско-индустриската комора од Благоевград ќе се продлабочува соработката во развојот на планинскиот и на руралниот туризам.

Со проектот „Промоција на планински и рурален развој преку употреба на ИKТ и ИСО-консултации“ четири фирми од оваа стопанска гранка ќе добијат бесплатна имплементација на ИСО 9001, што треба да биде поттик за имплементација на стандардот за квалитет и за другите фирми од брегалничкиот и од благоевградскиот регион од обете страни на границата помеѓу Република Бугарија и Република Македонија.

Проектот беше промовиран во Благоевград и негови основни цели се подобрување на животниот стандард на населението и економски развој во пограничниот реон.

Искуството на бугарските претставници во областа на ИСО-стандардите е мошне корисно за македонските партнери, кои ги прават првите чекори во оваа област, беше истакнато на промоцијата.