Poslovne vesti - Makedonija

„Мат Ервејс“: 15 отсто пониски цени на чартер летови

Граѓаните од септември може да очекуваат од 10 до 15 отсто поевтини цени на чартер летовите, од Скопје  директно до понудените дестинации, соопштуваат од авиокомпанијата „Мат Ервејс“.

„Мат Ервејс од 15 септември ќе воведе редовни чартер летови кон европските градови од Скопје да летаат за Швајцарија, Германија, Италија. Во моментов нашиот авион има три до четири чартер летови дневно“, рече Зоран Милески, претседател на Мат Ервејс.

Генералниот директор Кирил Каевски рече дека во моментов авионот на Мат претежно лета од Белград бидејќи доцна ја добиле дозволата за летање од Агенцијата за цивилно воздухопловство.

„Контики скај забрзано работи на програмата ќе има европски чартер летови и кон сите најдалечно дестинации со нашиот авион, почнуваме од осми септември со пакет летови Барселона, Прага и Рим“, изјави Дејан Вељанов, директор на Контики скај во Скопје.

ПР менаџерот на авиокомпанијата Данијела Пусара изјави дека овој викенд компанијата на српските граѓани им овозможила пакет аранжман со чартер лет од Белград до Охрид, бидејќи авионот бил целосно исполнет најави чартер летови до Охрид се додека има заинтересираност.

„Во Македонија е потребен национален авиопревозник и време е да се заземе тој пазар.  Планираме да се прошириме и на косовскиот пазар, но во наредните три до пет години ние сакаме да се покажеме како чартер авиокомпанија бидејќи пазарот е голем и има потенцијал“, рече Пусара.

Во моментов компанијата поседува еден авион од типот Боинг 737-500 кој е купен на аукција, а планираат зголемување на флотата.

Кон Tики Травел има 20 годишно искуство на српскиот пазар, преземајќи го некогашниот МАТ Ерлајнс, Контики на нашиот пазар влегува во партнерство со МАТ Ервејз со сто отсто сопствен капитал.