Poslovne vesti - Makedonija

Милион Македонци "висат" на Фејсбук

Во Македонија се регистрирани 1.440.000 корисници на интернет или 68,5 проценти од населението, а милион се приклучени на социјалната мрежа Фејсбук,. Ова го покажуваат податоците на специјализираната интернет-страница "Интернет ворлд стат", според која во светот има 3,67 милијарди интернет корисници или 50,1 проценти од вкупната светска популација, а 1,68 милијарда луѓе користат Фејсбук.

Од земјите во регионот повеќе од Македонците интернет користат во Словенија (72,8 проценти) и во Хрватска (75 проценти). Зад Македонија се рангирани БиХ (68,1 проценти), Србија (66,6 проценти), Грција (63,2 проценти), Црна Гора (60,2 проценти), Албанија (60), Бугарија (56,7).

Во Европа интернет користат 637 милиони луѓе, а Фејсбук 328 милиони. Глобалната онлајн-мрежа најмногу се користи во Исланд, односно 100 проценти од жителите, по што следуваат Норвешка, Холандија и Шведска со 96 проценти. Најмалку интернет-корисници има во Украина 43,4 проценти.