Poslovne vesti - Makedonija

Над 2,6 милиони евра за иновативни проекти

Годинава ќе бидат достапни 2, 65 милиони евра за иновативни проекти, преку Фондот за иновации и технолошки развој.

Минатата година, информира директорката на Фондот Јасмина Поповска, биле доделени 1,4 милиони евра за проекти од области како ИТ, машинство, електротехника.

Во изминатата година Фондот реализирал два јавни повика на кои компаниите аплицирале за разлини инстументи како старт ап, комерцијализација на иновации, трансфер на знаења, акцелератори. На првиот повик се пријавиле 78 компании, а 16 биле одбрани за финансирање, додека на вториот од 95 кои аплицирале, финансиски биле поддржани 17 компании.

Фокусот е ставен на микро, малите и средни претпријатија, затоа што истражувањата покажале дека овие компании имаат проблем со пристап до финансии за иновативни проекти. За 3 до 4 години ќе се пласираат околку 10 милиони евра за иновативни проекти.