Poslovne vesti - Makedonija

Нема кој да купи стан во Охрид

Интересот за купување на станови во Охрид во текот на оваа година е драстично намален во споредба со минатите години, се жалат од Агенциите за недвижности.

Една од причините за ваквата појава, сметаат тие, е и квалитетот на новите градби, но и високите цени по квадратен метар, кои и покрај економската криза, остануваат исти и понатаму. Побарувачката не ја зголеми ниту законот со кој странците можат да купат недвижности во нашата земја.

Понудата голема, а побарувачка речиси и да нема. Вака накратко се опишува пазарот на недвижности во Охрид.

Подажбата на станови во однос на минатата година е драстично опадната. Цените се исти на оние од европскиот пазар. Не се случи она што сите го очекуваа, странците да навалат. Нивната заинтересираност е еднаква на нула посто. Со ваква мака се соочуваат Агенциите за недвижности во Охрид, кои не паметат кога последен пат продале стан.

- Интересот за купување станови во Охрид во текот на оваа година е драстично намален во споредба со минатите години - се жалат од Агенциите за недвижности.

Една од причините за ваквата појава, сметаат тие, е и квалитетот на новите градби, но и високите цени по квадратен метар, кои и покрај економската криза, остануваат исти и понатаму. Побарувачката не ја зголеми ниту законот со кој странците можат да купат недвижности во нашата земја.

- Заинтересираноста на странците за стан во Охрид е еднаква на нула - велат од Агенциите.

Од друга страна, голем дел од новите градби остануваат невселени поради проблемите со кои се соочуваат градежните фирми со општината. Купувачите, пак, повеќе не се сигурни во квалитетот на градбата во новите згради, а тоа, според Агенциите, придонело цените за новите и становите во стара градба да се изедначат.

Инаку, цените за квадратен метар во Охрид се движат од 650 евра до 1.500. Најскапите се на локација Центар, Охридати, Лагадин, но за нив реализацијата е многу тешка, велат од Агенциите. Според нив најбарани се становите кои се со помала квадратура - до 40 квадрати.

Пред четири години пазарот го забележа најголемото поскапување од 100 отсто. Сега продавачите на станови не очекуваат намалување на цените.