Poslovne vesti - Makedonija

Невработеноста во земјава се намали на 26,8 отсто

Стапката на невработеност во второто тримесечје од годинава изнесува 26,8 отсто, објави Државниот завод за статистика. Споредено со првиот квартал од годинава, кога стапката на невработеност изнесуваше 27,3 проценти, тоа значи намалување за половина процентен поен.

Според објавените податоци, во второто тримесечје од годинава во Македонија имало 956.174 активно население, од кое 699.578 се вработени, а 256.596 невработени.

Стапката на вработеност во овој период изнесува 41,7 за разлика од првото тримесечје кога стапката на вработеност била 41,6.