Poslovne vesti - Makedonija

Нов Центар за контрола на квалитетот отворен во "Алкалоид"

Нов Центар за контрола на квалитетот отворен во „Алкалоид“ Нов Центар за контрола на квалитетот во вторник официјално беше пуштен во употреба во кругот на компанијата „Алкалоид“.

Новиот Центар, во кој беа инвестирани над пет милиони евра, е технолошко-аналитички капацитет, кој се простира на површина од 3.000 метри квадратни и во него се врши контрола на суровините, контактна и секундарна амбалажа, контрола на фазното производство и готовите производи, микробиолошка контрола и стабилност на фармацевтска производи, валидациони активности и мониторинг и изработка на аналитичка документација за регистрационите активности за фармацевтските производи.

Во Центарот се опремени лаборатории за влезни материјали, за фармацевтски производ, сектор за аналитички развој, сектор за стабилност на комерцијални серии, микробиологија и оддел за приготвување на документација за тековно работење.

Центарот има две простории за чување мостри од стабилност, две простории за чување на резервни мостри и придружни административни простории.

„Новит Центар ја потврдува стратешката определба на компанијата за производство на квалитетни, ценовно достапни, безбедни и ефикасни лекови изработени во согласност со најстрогите светски стандарди“, истакна генералниот директор на „Алкалоид“ и претседател на УО Живко Мукаетов.

Тој најави дека во Центарот за контрола на квалитет ќе работат над 100 високо стручни извршители.