Poslovne vesti - Makedonija

Од 2011 понуда на животно осигурување

Винер осигурување официјално од следната 2011 година започнува со понуда на животно осигурување кое е веќе 180 години дел, а воедно и основната дејност на австриската Винер осигурителна групација.

- Во динамичното опкружување во кое живееме, во услови на борба за обезбедување на подобар живот за своите најблиски, нема граѓанин кој не мисли на себе, својата иднина и иднината на своето семејство. Поради тоа животното осигурување е повеќе од потребно. Животното осигурување значи штедење, а штедењето значи долгорочна сигурност и инвестирање во иднината - изјави заменик-генералниот менаџер на Винер осигурување, Елена Мартиновска.

Животното осигурување - претставува осигурување на животот и еден вид на долгорочно штедење кое низ осигурениот број на години му се враќа на осигуреникот зголемено со добивка. Целта на животното осигурување е преку планирање на иднината, да се обезбеди сигурна и удобна иднина, и полесно справување со предизвиците во динамичното окружување.

Оваа година Винер осигурување го зацврсти своето позиционирање на македонскиот осигурителен пазар, нудејќи квалитетна и брза услуга, поголем избор на полиси, и нови начини на исполнување на обврските по основ на осигурување.