Poslovne vesti - Makedonija

Патниот сообраќај со 18,8 отсто помалку патници

Во првиот квартал годинава во патниот патнички национален и меѓународен превоз се превезени 1.698.000 патници, во железничкиот 166.000, во градско-приградскиот 19.123.000, а во воздухопловниот превоз 343.541 патник.

Овие податоци ги објави вчера Државниот завод за статистика, според кои во периодот од јануари до март годинава во споредба со лани ситиот период во патничкиот сообраќај имало помалку патници, додека повеќе во железничкиот и авионскиот сообраќај.

Имено, патниот патнички сообраќај во однос на првиот квартал лани бележи намалување од 18,8 проценти, железничкиот има раст од 6,4 проценти, во градско-приградскиот намалување од 3,3, додека воздухопловниот бележи раст од 28,2 отсто.

Во првите три месеци годинава е превезена стока од 8.152.000 тони. Во споредба со првиот квартал лани количеството на превезената стока во товарниот патен превоз е зголемено за 9,3 отсто, во воздухопловниот за 35,4 отсто, додека во железничкиот превоз има намалувањето од 21,4 проценти.