Poslovne vesti - Makedonija

Пет отсто поголема плата за здравствените работници

Од септември здравствените работници ќе примаат повисока плата за 5 отсто, изјави министерот за здравство, Венко Филипче.

„Основицата на платата на здравствените работници од септември ќе се зголеми од 12 654 на 13 286 денари. Вкупните средства на годишно ниво за ова зголемување ќе бидат 469 935 384 денари за плати на 19 123 здравствени работници во јавните установи“, рече тој.

Филипче рече дека смета оти ова ќе биде поттик за работниците да продолжат со ангажман во нашата земја.

Во врска со реакциите од Синдикатот на клинички центри дека зголемувањето е мало, Филипче рече дека можеби звучи малку, но ова е само еден дел од поширок план. Министерот истакна дека во текот на следната година платите за специјалистите ќе бидат зголемени на 100 000 денари.