Poslovne vesti - Makedonija

Помалку туристи ја посетиле Македонија

Бројот на туристи и бројот на ноќевања во земјава е намален. Ова го покажуваат податоците на Државниот завод за статистика, според кои бројот на туристите во март 2017 година изнесува 43 033, а бројот на ноќевањата изнесува 91 532. Или, бројот на туристите во март 2017 година, во однос на март 2016 година, е намален за 3.5 отсто, а бројот на ноќевањата е намален за 3.2 отсто.

Бројот на домашните туристи во март 2017 година, во однос на март 2016 година, е намален за 4.3отсто,, а бројот на странските туристи е намален за 3.1 отсто..

Бројот на ноќевањата на домашните туристи во март 2017 година, во однос на март 2016 година, е намален за 11.6 отсто, а бројот на ноќевањата на странските туристи е зголемен за 3.2 отсто.

Во периодот јануари - март 2017 година, во однос на истиот период од претходната година, бројот на туристите е зголемен за 6.9 отсто и тоа: кај домашните туристи има зголемување за 6.8 отсто, а кај странските има зголемување за 6.9 отсто..

Во периодот јануари - март 2017 година, во однос на истиот период од претходната година, бројот на ноќевањата е зголемен за 5.6 отсто и тоа: кај домашните туристи има намалување за 1.8 отсто, а кај странските има зголемување за 11.3 проценти.