Poslovne vesti - Makedonija

Стапката на невработеност се спушти на 25,5 отсто

Стапката на невработеност во Македонија во третиот квартал од годината е намалена на 25,5 отсто, додека во истиот период лани изнесувала 27,9 отсто.

Според податоците на Државниот завод за статистика , во третото тримесечје од 2015 година, активното население во Република Македонија брои 954 610 лица од кои вработени се 711 380, а 243 230 лица се невработени.

Стапката на активност во овој период е 56.9, стапката на вработеност 42,4, додека стапката на невработеност 25,5, се вели во соопштението на Државниот завод за статистика.