Poslovne vesti - Makedonija

Во април 10.000 турски туристи ја посетиле Македонија

Во април годинава најбројни посетители на земјава биле турските државјани. Според податоците на Државниот завод за статистика, во однос на истиот месец претходната година, вкупниот број на ноќевањата е зголемен за 9,8 отсто, при што кај домашните туристи има зголемување за 3,4 отсто а кај странските за 14,6 отсто.

Македонија ја посетиле над 4.000 Бугари и Грци, над 3.000 Срби и над 10.446 Турци и други државјани, покажуваат статистичките податоци.

Вкупниот број на туристи е зголемен за 18,4 отсто, при што бројот на туристите во април изнесувал 68, 047, а бројот на ноќевањата 140, 081. 

Бројот на домашните туристи е зголемен за 15,8 отсто, а бројот на странските туристи за 19,6 отсто во споредба со истиот месец лани.Во периодот јануари – април годинава, пак, во однос на истиот период од претходната година, бројот на туристите е зголемен за 10,7 отсто и тоа,  кај домашните туристи имало зголемување за 9,4 отсто, а кај странските за 11,4 отсто.