Poslovne vesti - Makedonija

Во април повеќе работниици во индустријата за 1,1 отсто

Бројот на работниците во индустријата во април годинава во однос на април лани е поголем за 1,1 отсто, соопшти Државниот завод за статистика.

Бројот на работниците во секторот рударство и вадење на камен во април годинава бележи пораст од 2,3 отсто, во преработувачка индустрија од 0,9 проценти, а во снабдување со електрична енергија, гас, пареа и климатизација зголемувањето е 2,8 отсто.

Според главните индустриски групи, бројот на работниците во индустријата во април е поголем кај енергија за 3 отсто, интермедијарни производи, освен енергија за 3,9 отсто, капитални производи за 10,8 отсто и трајни производи за широка потрошувачка за 1,5 проценти, додека опаѓање бележи кај нетрајните производи за широка потрошувачка, за 2,6 отсто.

Бројот на работниците во индустријата во периодот јануари-април годинава во однос на истиот период од 2015 е зголемен за 1,6 отсто.