Poslovne vesti - Makedonija

Во Македонија просечната нето плата е 22.460 денари

Просечната месечна нето плата во октомври 2016-та година во Македонија изнесувала 22.460 денари или 365 евра, и е за 1,1 отсто поголема во споредба со истиот месец минатата година, според податоците на Државниот завод за статистика.

Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: градежништво (6,5 отсто), административни и помошни услужни дејности (5,8 проценти) и објекти за сместување и сервисни дејности со храна (5,7отсто).

Зголемување на просечната месечна исплатена нето-плата по вработен, во однос на претходниот месец, е забележано во секторите: административни и помошни услужни дејности (4,5 отсто), објекти за сместување и сервисни дејности со храна (4,2 проценти) и рударство и вадење на камен (3,6 отсто). Во октомври плата во Македонија не примиле 1,1 отсто од вработените.