Poslovne vesti - Makedonija

Во првиот месец од годинава 18,7 отсто повеќе патници на македонските аеродроми

Бројот на превезени патници на двата аеродрома во Република Македонија во континуитет бележи раст, информираат од Министерството за транспорт и врски.

Според објавените податоци, в јануари 2018 година од двата аеродроми превезени се вкупно 151.381 патник, што претставува зголемување од 18,7% споредено со јануари 2017 година.

На скопскиот аеродром во  јануари годинава регистрирани се вкупно 145.592 патници, што во споредба со истиот месец лани, кога биле превезени 123.118 патници, е зголемување од 18,3%.

На аеродромот „Св. Апостол Павле“ во Охрид бројот на превезени патници за  јануари е зголемен за 30,8% во однос на бројот на патници во истиот период лани.

Вo соопштението на Министерството за транспорт и врски стои дека и натаму посветено работат кон создавање широка мрежа дестинации достапни за граѓаните на Република Македонија.