Poslovne vesti - Makedonija

Wizz Air, од ноември, воедува нова линија од Хановер до Скопје

Wizz Air, ниско-буџетната авиокомпанија, во вторник, објави нова линија од Скопје до Хановер – Германија, која од. Новата линија ќе започне на 1 ноември со два лета неделно, вторник и сабота. Картите се веќе во продажба на wizzair.com почнувајќи со цена од само 1,199 денари.

Хановер, главниот град на сојузната покраина Долна Саксонија е важен трговски центар, како и голем саем и центар за фестивали, познат по Октоберфест Хановер, кој е втор по големина Октоберфест во светот и Хановер Schützenfest- најголемиот панаѓур на стрелци во светот.

Со голем број музеи од светски рамки, галерии и театри, градот е исто така познат како важен културен центар и е одличен избор да се посети и од туристички и од бизнис аспект. Со денешната објава, Хановер стана најновиот 124-ти аеродром во мрежата на Виз Аир.

Со новите активности во Германија, Wizz Air сега нуди вкупно 25 рути во 11 држави од двата македонски аеродрома: Скопје и Охрид.

„Возбудени сме да им ги пренесеме одличните новости на нашите корисници од Македонија. Wizz Air донесе ниски цени во Македонија во 2011 и од тогаш постојано инвестира во Скопје, моментално базирајќи три авиони во главниот град на Македонија. Нашите 2 милиони патници, кои беа достигнати порано оваа година, исто така ја докажува големата побарувачка на авионскиот превоз во оваа држава. Новата линија до Хановер ќе понуди уште една извондредна ниско-буџетна конекција до еден од најголемите бизнис и културни центри во Германија истовремено стимулирајќи го туризмот и угостителството во Македонија. Нашиот професионален локален екипаж гледа да ги пречека патниците на летот со Wizz насмевка”, вели Тамара Валиос, шеф на комуникации на Виз Аир.