За субвенции аплицирале 1.100 млекопроизводители

Bez autora

Nov 07 2016

Околу 1.100 млекопроизводители од Куманово, Липково и од Старо Нагоричино поднеле барања за директни плаќања за произведено и предадено овчо и кравјо млеко во период од мај до септември 2016 година. Апликациите за субвенциите земјоделците ги поднесуваат по електронски пат во подрачните единици на Министерството за земјоделство, шумарство и водостопанство каде што е регистрирано земјоделското стопанство. Висината на поддршката изнесува 3,5 денари за литар. Повеќе се аплицира за кравјо отколку за овчо млеко, за козјо млеко се' уште нема никој, изјави Бранкица Димковиќ од подрачната единица на Министерството за земјоделство. Млекопроизводителите се задоволни од поддршката што ја добиваат од државата за дејноста што ја извршуваат.

Околу 1.100 млекопроизводители од Куманово, Липково и од Старо Нагоричино поднеле барања за директни плаќања за произведено и предадено овчо и кравјо млеко во период од мај до септември 2016 година.

Апликациите за субвенциите земјоделците ги поднесуваат по електронски пат во подрачните единици на Министерството за земјоделство, шумарство и водостопанство каде што е регистрирано земјоделското стопанство. Висината на поддршката изнесува 3,5 денари за литар.

„Повеќе се аплицира за кравјо отколку за овчо млеко, за козјо млеко се' уште нема никој“, изјави Бранкица Димковиќ од подрачната единица на Министерството за земјоделство.

Млекопроизводителите се задоволни од поддршката што ја добиваат од државата за дејноста што ја извршуваат.

Последниве години, вообичаено, бројката на апликациите за субвенции за млеко во трите кумановски општини се движеше до 1.300. Намалениот број апликации за субвенции за млеко е резултат на продажбата на добитокот од страна на земјоделците.