Индустриските производи на домашниот пазар во јуни поскапи за 0,2 проценти на месечно ниво

Bez autora

Jul 29 2025

Продажните цени на производителите на индустриски производи на домашниот пазар се зголемени за 0,2 проценти во јуни во однос на мај годинава, а за 5,3 проценти споредено со јуни лани, објави денеска Државниот завод за статистика.

Како што наведува ДЗС, во јуни, на месечно ниво, има зголемување на продажните цени на производителите на индустриски производи на домашниот пазар во групите Трајни производи за широка потрошувачка за 0,7 проценти и Нетрајни производи за широка потрошувачка за 0.4 проценти.

На годишно ниво, пак, цените се зголемени во групите Енергија за 8 проценти, Интермедијарни производи, освен енергија за 4,5 проценти и Нетрајни производи за широка потрошувачка за 5,4 проценти.

Ocenite tekst