Tema - Makedonija

Црвените вина „бела вода“ и „барово“ од бербата во 2013, како и белите „бела вода“ и „барово“ од бербата во 2014, заедно со вината од ексклузивниот бренд „домен лепово“ - „гранд куве“ 2013, „пино ноар“ 2013 и „шардоне“ 2014 на винарската визба „Тиквеш“ се оценети со високи оценки од страна на најпознатиот светски вински критичар Роберт Паркер. Во најновото издание на специјализираното списание на Паркер „Вајн адвокат“ тимот на Паркер ги смести вината на „Тиквеш“ во категориите „многу добри“ и „извонредни“. На овој начин уште еднаш се потврди високото мислење за нашите вина, кое почна да се гради пред пет години, кога Паркер со 94 поени го оцени црвеното вино „бела вода“ од бербата во 2010.