Trgovina - Makedonija

Ограничена продажбата на масло за јадење

Мерката стапи во сила вчера, а ќе важи до 31 мај. Се препорачува да не се дозволува продажба на масло од сончоглед за јадење во големи количини, односно количини пакувани во пакети.

Министерството за економија во текот на вчерашниот ден достави известување до сите трговци, со кое ги известува дека поради значајниот пораст на купување масло за јадење од сончоглед од страна на домашни купувачи во однос на редовната потрошувачка во домаќинството, како и странски купувачи, се нарушува редовното снабдување на домашниот пазар.

Се замолуваат трговците на мало во случај кога купувач бара да купи поголеми количини масло за јадење од сончоглед во текот на денот, веднаш да го известат Државниот пазарен инспекторат.