Trgovina - Makedonija

Сојуз на земјоделски здруженија: Постигнат договор со четири компании за повисоки цени на тутунот

Според Сојузот на земјоделските здруженија на Македонија постигнат е договор со четири откупни компании, а другите, уверени се од Сојузот, ќе го следат примерот.

Менде Стомнароски, претседател на Сојузот вели дека тоа и квалитетниот род ќе ги ублажат трошоците во производството.

Годинашниов род е договорен на 26 000 тони, но очекувањата се дека ќе биде околу 19 000 тони.

Горан Бозароски, тутунопроизводител од Прилепско има два тона тутун и очекува добро да помине при претстојниот откуп. Признава дека недостига работна рака, а единствено ќе помогне поддршката од државата за земјоделецот.

Откупната кампања може да почне од 15 ноември, но крајниот законски рок за откупувачите да ги отворат пунктовите е 15 декември. Со тутунопроизводство во земјава, велат од Сојузот, се занимаваат околу 20 000 семејства. Најавени се 10 откупни компании да го преземаат годинашниов род на тутунот.